Flight Mode

翻看Email裡的Sent Record，原來有好多有趣的發現！

 例如，我發現3年前，那時還未興WHATSAPP，SMS還很盛行的年代，我曾經Sent過一封SUBJECT為「嘈醒晒」的EMAIL給老闆身邊的要員！(幾唔識死！不過，其實，我跟她也蠻熟的！若不，也不會以中文及口語來出這個EMAIL啦！)

電郵背景︰前一晚，被那同事在1:53am的SMS 吵醒，之後便失眠，直到4am好不容易才再入睡。睡不到3個小時，又要爬起身去上班！=.=

 回到公司，便給她寫了這個EMAIL︰

 你昨天問的那個seminar對方仍未出confirmation (他們通常會在seminar的三日前/ 內confirm)。打過去查,但所有電話都留言。

另外︰

1. 我知你放大假都要做野，好同情，不過，你做到幾夜都隨時可以，而我第二日要返工！

2. 我又唔係你上司，你比我知道你做到咁夜，我都冇權升 / 加你人工!(除非你想我forward 比老細)

3. 你問既事唔係緊急到要即時回覆，下次可唔可以出email？

4. 識你咁耐，都估到你怕自己唔即刻問會唔記得，係咪？如果你怕自己聽日唔記得問,可唔可以都send email問？

5. 請考慮同事放左工、要休息呢個咁卑微既人類基本需要！唔係個個比人嘈醒都可以得番!

我係認真架,send sms之前，為同事諗! 唔該!

你1:53am send咩sms呀！作死你呀！我尋晚4am先得番！你個顛仔!

 

你說，你說！問一些一點都不URGENT的事！為什麼要半夜三更問？

那時多大膽，以為自己跟她還有點交情，可卻忘了她是大紅人，可能會在其他工作上報復，幸好，她不是這樣的人，還真心的回我一個道歉EMAIL。

經過此事之後，再加上近年那些WHATSAPP GROUPS裡，我有很多返SHIFT的同事，會在11PM下班後，開始大傾特傾(他們開論壇的黃金時間大約是2AM 至4AM)。

所以，我培養了一個FLIGHT MODE的習慣，總之，一想睡就調教為FLIGHT MODE、熄WIFI！

自始，終於有覺好瞓！

* 今日隱藏主題，其實我有時都好佩服自己那股不顧後果的膽識！Heheheee..