日本必買藥妝！PAIR ACNE 暗瘡膏

如果生暗瘡有專家級，我相信我可以攞暗瘡傑青！我是試過生暗瘡生到要睇醫生，食了一整年西藥，及後再加中醫調理，本來好多焦點的臉，近來才好一點。所以，我用過海量多的暗瘡膏，這是我近來覺得效果很不錯的。

這是獅王出品的PAIR ACNE 暗瘡膏，之前看一位空少的推介，之後去日本大阪藥妝店就真的照單執藥買回來。

它清爽、易吸收，質地似乳液多過藥膏很易推的，乾了之後就變透明，上了妝都用得，絕對神不知鬼不覺。而最好的，當然是有效！但由於我每次一生暗瘡就強迫症般，把這PAIR ACNE 暗瘡膏帶在身，一日狂搽一萬次 (無咁多次喇！不過，肯肯定有10次以上！)，所以，我不知道，其實正確地搽多少次才有效。

如果你也有暗瘡煩惱，試一下這PAIR ACNE 暗瘡膏啦！有14g和24g之分，我買的是小的，但每次用的份量都好少，有效期竟可到2018年6月，希望我限期前不會用光喇！(咁就即係……我冇生暗瘡啦！哈哈！) 另外，如圖，還有一支粉紅色的，不知有什麼不同，但我見大家都在買藍色，所以買的時候也沒有多想。

14g裝稅入是718YEN，即約HKD$45左右，好像香港沒有在賣，大家自己去買，或請代購幫忙吧。

     -------------------------------------------------------------------------------------------------------------------------

砂糖我開了個FACEBOOK PAGE，大家想緊貼我既UPDATE，以後有傾有講，有筍野又可以即時分享，就去LIKE一下啦！